May natanaw akong
Isang napaka gandang imahe
Imaheng naglalarawan ng kagalakan,
Imaheng naglalarawan ng pagkabuo.

​

Na siyang kay gandang tanawin,
Kay gandang pagmasdan,
At kay gandang balik balikan,
Balik balikan ang mga araw

Noong siya’y masaya, kuntento
At buo.

Tila ang imaheng kanyang pinagmamasdan
Ay unti-unting lumalabo,
Lumalabo na tila ba isang hamog 

Na siyang pumupuno sa buong lugar

Lugar kung saan sinubukan kong lumapit
May naaaninag akong imahe,
Hanggang sa ako’y napako sa aking kinatatayuan,

Nakakita ako ng isang repleksyon,
Basag na basag,
At tila ba hindi na nakilala ang sarili.